11/12/20

Diuendres e dissabte que mos deisharàn mès de 50 cm peth dessús des 2.000 m. Dimenge pro assolelhat e damb temperatures doces.

Aué diuendres 11 de deseme, serà ua jornada pro caperada, damb quauques clarulhes enes ores centraus dera jornada. Precipitacions moderades, que puntuauments seràn intenses, damb ua pausa en torn a meddia e en tot desaparéisher pera net. Còta de nhèu enes 2.100 m a prumères ores en tot descéner cap as 1.500 m pera tarde. Celhs acumuladi de 20 a 25 cm en Cap de Baqueira.

Temperatures un shinhau mès nautes as que n'èrem acostumadi pendent era darrèra setmana (0º/10º en Arròs; -1º/9º en Vilamòs).

Eth dissabte 12, auram nivolositat abondiua que s'anarà daurint a darrères ores. Precipitacions entre moderades e intenses pendent era maitiada e eth maitin, en tot aloishar pera tarde e en tot arturar-se pera net. Còta de nhèu en tot descéner des des 1.300 m enquia per jos es 1.000 m a darrères ores. Acumulacions de 25 a 30 cm en còtes nautes. Vents deth nòrd-oest damb quauqua bohada intensa en zònes nautes.
Temperatures en descens (3º/5º en Arròs; 2º/4º en Vilamòs).

Eth dimenge 13, serà pro assolelhat damb quauqui intervaus de bromes.
Temperatures en ascens que se plaçaràn peth dessús des abituaus entà miei deseme e que mos acompanharàn pendent grana part dera setmana pròplèu (0º/10º en Arròs; -1º/8º en Vilamòs).