Long fin de setmana d'iuèrn ena Val d'Aran, tamb celhs acumuladi de en torn as 25 cm e que s'anaràn 'incrementàn era setmana que ven.

Aué diuendres 4 de deseme, serà ua jornada pro caperada damb precipitacions en generau fèbles, que puntuauments seràn moderades e que se produsiràn pendent eth maitin e prumères ores dera tarde, en tot ténder a desaparéisher ath ser. Era còta de nhèu descenerà enquia plaçar-se ath torn des 600 m. Acumulacions de 10 a 15 cm peth dessús des 2000 m.
Temperatures heiredes (1º/5º en Vielha; 0º/4º en Salardú).

Eth dissabte 5 auram bromalhs a prumères ores e clars enes ores centraus dera jornada. A darrères ores tornarà a aumentar era nivolositat e ja auançada era net se poderien produsir quauques precipitacions fèbles damb ua còta de nhèu ath torn des 800 m e ues acumulacions de 5 a 10 cm.
Temperatures fòrça heiredes damb gelada importanta pendent era net (-4º/5º en Vielha; -5º/4º en Salardú).

Eth dimenge 6 serà pro caperat encara qu'apareisherie bera clarulha esporadica. Se produsiràn nheuades fèbles e intermitentes pendent tota era jornada damb ua còta ath torn des 700 m e ues acumulacions de 5 a 10 cm en còtes nautes.
Es temperatures contunharàn per jos es normaus entà principis de deseme (-2º/4º en Vielha; -3º/3º en Salardú).

Semble qu'entà era setmana que ven contunharam damb era madeisha tendéncia damb nheuades intermitentes que pòc a pòc incrementaràn eth celh acumulat e que deluns poderien èster moderades e inclús intenses de maitiada.