Aué diuendres 15 de gèr, auram nivolositat abondiua alternada damb quauques clarulhes esporadiques. Precipitacions fèbles e intermitentes que poderien arribar a deishar enquia 10 cm en zònes nautes. Era còta de nhèu se plaçarà ath torn des 800 m, en tot descéner pendent era tarde a totes es còtes. Vents deth nòrd damb quauques bohades fòrtes en zònes nautes.
Temperatures en ascens respecte a jornades anteriors (-1º/5º en Vielha; -5º/-4º en Baqueira 1800)
Eth dissabte 16, eth maitin serà pro assolelhat damb quauqui bromalhs nauti. Pera tarde aumentarà era nivolositat e pas s'escarte que se produsisque bèra fèbla precipitacion damb ua còta de nhèu que pujarà cap as 1400 m. Vents fèbles deth Nòrd.
Inversion termica a prumères ores (-5º/4º en Vielha; -7º/-2º en Baqueira 1800).
Eth dimenge 17, era prevision nonei massa clara, mès semble qu'auram nivolositat abondiua alternada damb quauqui clars. Se poderien produsir precipitacions entre fèbles e moderades damb ua còta de nhèu ath torn des 1.400 m e que poderien deishar de 5 a 10 cm en còtes nautes.
Ascens de temperatures que provocaràn, dempús de fòrça dies, que non i age pas gelades en grana part des pòbles dera Val (1º/8º en Vielha; -3º/0º en Baqueira 1800).
