Aué diuendres 8 de gèr, auram un maitin assolelhat damb quauqui intervaus de bromalhs nauti. Pera tarde aumentarà era nivolositat de nauta e mieja, en tot hèr pèrder en cèrti moments era percepcion deth relèu ena nhèu.
Es temperatures contunharàn en tot èster fòrça heiredes (-10º/-1º en Arties; -11º/-7º en Baqueira 1800).
Eth dissabte 9, serà pro caperat damb quauques clarulhes ath torn de meddia. Precipitacions fèbles e intermitentes que seràn mès frequentes ena zòna mès meridionau dera Val. Era còta de nhèu se plaçarà en torn es 600 m encara que puntuauments pujarà cap as 800 m. Se pòden acumular der orde de 5 a 10 cm, un shinhau mès en vessant sud.
Es temperatures contunharàn heiredes encara que damb un leugèr ascens (-7º/-1º en Arties; -10º/-3º en Baqueira 1800).
Eth dimenge 10, eth maitin serà pro caperat, pera tarde se dauriràn clarulhes. Pas s'escarte bèra fèbla nheuada pendent era maitiada e prumères ores deth maitin.
Es temperatures contunharàn en tot èster de cru iuèrn (-6º/-1º en Arties; -10º/-6º en Baqueira 1800).
