Aué diuendres 5 de hereuèr, serà ua jornada damb solei e quauqui bromalhs de nauti. Tanben auram calimes provocades pera preséncia de povàs d'originen nòrd-african en suspension. Vents deth sud damb bèra bohada moderada.
Temperatures pro peth dessús des abituaus e rescauhades per aire d'Espanha (7º/16º en Gausac; 7º/14º en Bagergue).
Eth dissabte 6, auram clars alternadi damb quauqui bromalhs. Se pòden produsir precipitacions fèbles, intermitentes e irregulars, sustot ena mitat sud dera Val e que seràn mès probables pendent era maitiada e eth maitin. Còta de nhèu ath torn des 1.800 m. Vents deth sud damb quauqua bohada moderada.
Temperatures en descenuda (3º/10º en Gausac; 2º/7º en Bagergue).
Eth dimenge 7, era nivolositat serà abondiua pendent era maitiada e prumères ores en tot poder-se escapar bèra fèbla precipitacion; es clars seràn mès frequents a mesura qu'auance era jornada. Còta de nhèu en tot descéner cap as 600 m.
Temperatures un shinhau per jos es normaus entà principis de hereuèr (0º/6º en Gausac; -1º/4º en Bagergue).
