Aué diuendres 12 de hereuèr, auram un maitin damb bromalhs de tipe naut e miei, alternadi damb quauques clarulhes, non s'escarte bèra fèbla precipitacion. Pera tarde era nivolositat serà abondiua e se produsiràn precipitacions moderades, que puntuauments seràn intenses e que contunharàn pendent era net e prumères ores dera maitiada. Còta de nhèu enes 1.900 m pendent eth maitin en tot descéner progressivaments enquia plaçar-se per jos es 1.400 m a darrères ores. Acumulacions de 15 a 20 cm en Cap de Baqueira. Vents deth nòrd-oest damb quauqua bohada fòrta en zònes nautes.
Temperatures diürnes laguens des abituaus entara epòca, encara que es minimes se plaçaran leugèraments peth dessús (4º/9º en Canejan; 2º/5º en Montgarri).
Eth dissabte 13, pendent eth maitin s'alternaran clars damb quauques bromes baishes. Pera tarde es clars s'intercalaran damb bromalhs de tipe naut e miei. Vents deth nòrd-oest.
Temperatures sense cambis (3º/10º en Canejan; 1º/5º en Montgarri).
Eth dimenge 14, eth maitin serà assolelhat. Pera tarde apareisherà un shinhau de nivolositat nauta e mieja. Vents fèbles deth sud-oest.
Temperatures similars as jornades anteriores (3º/11º en Canejan; -1º/8º en Montgarri).
