Aué diuendres 19 de hereuèr, serà ua jornada assolelhada, sonque damb preséncia de quauques bromes nautes, escampilhades e fòrça primes a prumères ores e damb un shinhau de povàs en suspension d'origina nòrd-african. Vents fèbles deth sud.
Temperatures maximales uns 7ºC peth dessús des abituaus (4º/16º en Es Bòrdes; 2º/13º en Tredòs).
Eth dissabte 20, seguiram damb ambient assolelhat plapejat damb quauques bromes nautes e primes pendent era tarde. Vents deth sud damb bèra bohada moderada a compdar de meddia.
Temperatures similares ara jornada anteriora (5º/17º en Es Bòrdes; 3º/15º en Tredòs).
Eth dimenge 21, contunharàn es cèus sereni encara que leugèraments embaranats per quauqui intervaus de bromes nautes e primes. Preséncia de calimes peth povàs en suspension. Possibilitat de precipitacions pendent era net, damb ua còta de nhèu ath torn des 1.900 m e que poirien anari acompanhadi de hanga. Vents deth sud damb quauqua bohada moderada.
Temperatures que contunharàn en tot èster mès pròpries d'abriu o principis de mai que de miei hereuèr (6º/18º en Es Bòrdes; 4º/15º en Tredòs).
