5/3/21

Dimenjada damb clarulhes, bromères e possibilitat de precipitacions fèbles, principauments pendent es tardes. Calimes qu'anaràn a mens. Temperatures en descens.

Aué diuendres 5 de març, serà ua jornada damb alternancia de bromes damb clars e preséncia de povàs en suspension. Pendent era tarde se pòden produsir quauques precipitacions fèbles, damb ua còta de nhèu ath torn de 1.700 m e qu'anarien acompanhades de hanga.
Temperatures en tot apropar-se, per fin dempús de longtemps, as normaus entara epòca (4º/12º en Escunhau; 3º/11º en Vilamòs).

Eth dissabte 6, pendent eth maitin contunharàn es clarulhes intercalades damb bromerès. Era tarde serà mès caperada e damb possibilitat de precipitacions fèbles e intermitentes e ua còta ath torn des 1.700 m. Encara auram quauques calimes.
Temperatures en descens (4º/8º en Escunhau; 3º/7º en Vilamòs)

Eth dimenge 7, serà similar as jornades anteriores, damb clars e bromes pendent eth maitin e nivolositat abondiua pera tarde, damb possibilitat de quauques precipitacions fèbles, que contunharien pendent era net. Còta de nhèu ath torn des 1.500 m . Desapareisherà eth povàs en suspension.

Es temperatures contunharàn leugèraments per jos es abituaus (5º/9º en Escunhau; 2º/8º en Vilamòs).