Aué diuendres 12 de març, auram un maitin e prumères ores dera tarde damb bromes e quauqua precipitacion fèbla, ua còta de nhèu ath torn des 1300 m e ues acumulacions que pas arribaràn as 5 cm en còtes nautes. Pera tarde desapareisheràn es precipitacions e se dauriràn clars. Vents deth nòrd damb bèra bohada moderada sustot pera tarde.
Temperatures en descenuda respecte as d'ager (4º/9º en Betren; 3º/8º en Arres).
Eth dissabte 13, serà pro assolelhat damb quauques bromes a darrères ores e precipitacions pendent era net damb ua còta de nhèu sus es 1200 m.
Descenuda des temperatures nocturnes e leugèr repunt des maximes (1º/11º en Betren; -1º/10º en Arres).
Eth dimenge 14, auram nivolositat abondiua damb precipitacions fèbles que puntuauments seràn moderades. Còta de nhèu ath torn des 1.000 m inclús en quauqui moments per dejós. Acumulacions de 10-15 cm en Cap de Baqueira. Vents deth nòrd damb bera bohada fòrta en zònes nautes.
Temperatures heiredes que ja mos acompanhàn grana part dera setmana que ven (1º/6º en Betren; -1º/5º en Arres).
