Aué diuendres 19 de març, serà ua jornada caperada, damb nheuades moderades que puntuauments poderien èster intenses e que se produsiràn en quinsevloh còta dera Val d'Aran. Se pòden acumular de 25 a 30 cm en Cap de Baqueira, de 15 a 20 cm en Pla de Beret e de 5 a 12 cm en Vielha. Vents deth nòrd damb quauques bohades moderades sustot en zònes nautes.
Temperatures diürnes uns 9ºC per jos de çò que serie normau entara epòca (-1º/4º en Vielha; -6º/-1º en Baqueira 1800).
Eth dissabte 20, auram alternancia de bromes e clarulhes, que seràn mès frequents en torn a meddia e sustot enes zònes mès prigondes dera Val. Vents deth nòrd damb quauques bohades fòrtes en zònes nautes pendent era tarde.
Daram era benvenguda ara primauera damb temperatures iuernaus (-1º/4º en Vielha; -7º/-2º en Baqueira 1800).
Eth dimenge 21, auram clars damb quauques bromes a prumères e darrères ores. Pendent era net pas s'escarte bèra fèbla nheuada. Contunharà eth vent deth nòrd damb quauques bohades moderades en zònes nautes.
Seguiràn es temperatures heiredes (-3º/5º en Vielha; -8º/0º en Baqueira 1800).
