Aué diuendres 26 de març, auram un maitin e prumères ores dera tarde damb solei luegeraments embaranat per intervaus de bromes nautes. Pendent era tarde aumentarà era nivolositat e pera net se produsirà bet plojat fòrça fèble.
Temperatures peth dessús des abituaus (2º/17º en Salardú; 2º/11º en Baqueira 1800).
Eth dissabte 27, auram clars alternadi damb quauques bromes escampilhades que seràn un shinhau mès presents ena zòna mès prigonda dera Val.
Puntuau descens des temperatures diürnes, que sonque se produsirà pendent aguesta jornada (3º/11º en Salardú; 0º/8º en Baqueira 1800).
Eth dimenge 28, serà un dia esplendidaments assolelhat damb temperatures que tornaràn a plaçar-se pro peth dessús des normaus entà finaus de març e que contunharàn atau pendent es següentes jornades (3º/18º en Salardú; 1º/12º en Baqueira 1800)
