29/10/21

Dimenjada damb vent d'Espanha e quauques precipitacions pendent es nets ena mitat sud dera Val

Aué diuendres 29 d'octobre auram ua jornada damb bromes de nautes e mieges alternades damb quauques clarulhes que seràn un shinhau mès frequentes pendent era tarde. Se pòt produsir bèra precipitacion, mès probabla pendent era net e sustot en vessant sud e ena zòna mès meridionau dera Val, ath temps que ena mitat nòrd ne ploirà. Vents fèbles deth sud en tot refortilhar-se leugèraments damb eth pas des ores.
Temperatures normaus entara epòca (7º/16º en Vila; 4º/16º en Salardú).

Eth dissabte 30, auram cèus pro sereni encara que intercaladi damb un shinhau de nivolositat mès abondiua a prumères ores. Possibilitat de bèt plojat fèble pendent era net. Vents deth sud damb quauques bohades moderades, sustot pendent era maitiada e prumères ores dera jornada.
Temperatures en leugèr aumenta (7º/18º en Vila; 6º/17º en Salardú).

Eth dimenge 31, contunharam damb cèus enteladi per bromalhs de tipe naut e miei. Precipitacions a darrères ores. Contunharà eth vent d'Espanha rescauant er ambient (8º/19º en Vila; 7º/18º en Salardú).