Aué diuendres 5 de noveme, serà ua jornada damb brumes abondiues alternades damb quauques clarulhes de cuerta durada. Se pòden produsir bères precipitacions fèbles, intermitentes e escampilhades. Còta de nhèu enes 900 m pendent eth maitin en tot descéner cap as 700 m a darrères ores, es acumulacions seràn pòc significatives. Vents fèbles deth nòrd damb bèra bohada moderada en zònes nautes.
Temperatures heiredes (1º/6º en Betlan; 0º/4º en Unha).
Eth dissabte 6, serà pro assolelhat damb quauqui bromalhs escampilhadi pendent era tarde. Vents fèbles deth nòrd.
Descenuda des temperatures minimes, damb possibles gelades ena majoria dera Val e leugèr ascens des diürnes (-1º/8º en Betlan; -3º/6º en Unha).
Eth dimenge 7, pendent eth maitin auram cèus sereni damb quauqui bromalhs nauti e fòrça primi, pera tarde aumentarà era nivolositat. A darrères ores se poderie produsir quauque fèble plojat, damb ua còta de nhèu qu'anarà pujant cap as 1.500 m.
Temperatures similares ara jornada anteriora (-2º/8º en Betlan; -3º/7º en Unha).
