25/3/22

Dimenjada damb calimes, maitins pro assolelhadi, tardes damb mès nivolositat e possibilitat de quauques fòrça fèbles precipitacions.

Aué diuendres 25 de març serà ua jornada pro assolelhada encara que damb quauqui intervaus de bromes sustot pendent era tarde e tamb formacion de quauqui bromalhs d'evolucion escampilhadi e preséncia de calimes provocades peth povàs en suspension. Pas s'escarte que s'escape quauqu'ua fòrça fèble e escampilhada gota pera tarde qu'anarie acompanhada d'hanga.
Temperatures un shinhau peth dessús des abituaus (4º/15º en Bausen; 2º/14º en Arres).


Eth dissabte 26, eth maitin tornarà a èster pro assolelhat, pera tarde tornarà a incrementar-se era nivolositat damb formacion de quauqui cúmuls. Seguiram damb povàs en suspension d'origin nord-african. Pera tarde se poderie tornar a escapar quauqua gota que deisharie hanga ath precipitar.
Temperatura sense massa cambis (5º/14º en Bausen; 3º/12º en Arres).


Eth dimenge 27 s'alternaràn clars damb bromess que serien mès presents a compdar de meddia, contunharàn es calimes e era possibilitat de fèbles plojats pendent era tarde.
Temperatures normaus entà principis de primauera (6º/15º en Bausen; 4º/13º en Arres).