Volerie començar damb un sentit rebrembe entà Carlos Barrèra, era persona qu'apostèc damb totes es sues fòrces per jo e per aguest servici meteorològic, luitant contra fòrça gent pes dobtes iniciaus e defensant aguest projecte deuant mejans e institucions. Carlos ei eth responsable de que vos pogue aufrir era prevision jornalièra de Meteoran. Jamès desbrembarè ua prevision que li hí entà un dia de caça e que tostemp que parlàuem m'arrebrembaue lo ben que ac passèc gràcies a, coma didie, era informacion privilegiada. Ua abraçada entà tota era sua familha e amics, que n'èren fòrça.
Aué diuendres 8 d'abriu serà ua jornada damb cèus pro sereni plapejadi per bromalhs nauti e mieis en tot aumentar era nivolositat a darrères ores quan se poirie escapar quauqua fèbla precipitacion qu'a penes incrementarà eth celh de nhèu e damb ua còta de nhèu iniciau enes 1800 m que descenerà cap as 1000 m. Vents fèbles deth sud. Temperatures primaueraus (4º/17º en Gausac; 2º/16º en Mont).
Eth dissabte auram brumes intercalades damb clars que s'imposaràn cap ara fin dera jornada. Se pòt escapar quauqua fèbla precipitacion que serie de nhèu peth dessús des 1000 m. Vents deth nòrd damb quauqua bohada moderada. Transitòria descenuda de temperatures (2º/10º en Gausac; 1º/8º en Mont).
Eth dimenge 10 serà pro assolelhat damb quauque isolat bromalh naut e prim. Es temperatures similares ara jornada deth diuendres (3º/16º en Gausac; 1º/15º en Mont).
