14/4/22

Jornades damb temperatures primaueraus, clars damb quauqui intervaus embromadi, calimes e convectividad pes tardes.

Aué dijaus 14 d'abriu, contunharà era preséncia de povàs en suspension e auram quauques brumes a prumères ores que s'han lheuat, entà deishar-mos un maitin assolelhat; pera tarde tornaràn a aparéisher bromes escampilhades e tanben se desvoloparàn bromalhs convectius, que pas s'escarte que dèishen escapar bèra gota qu'anarie acompanhada d'hanga.

Temperatures un shinhau peth dessús des abituaus (7º/18º en Bossòst; 6º/17º en Vielha).

Eth diuendres 15, seguiràn es calimes e auram clars damb quauqui intervaus de bromes nautes, pera tarde se tornaràn a formar bromalhs d'evolucion damb possibilitat baisha de plujat qu'en cas de produsir-se mos deisharie un shinhau d'hanga, tamben poiriem escotar es prumers trons dera sason. Vents fèbles deth nòrd.

Temperatures en ascens (7º/19º en Bossòst; 6º/18º en Vielha).

Eth dissabte 16, eth maitin serà pro assolelhat; pera tarde s'alternaràn clars damb quauque banc de broma, desapareisheràn es calimes. Vents fèbles deth nòrd.

Temperatures similares as jornades anteriores (9º/18º en Bossòst; 8º/17º en Vielha).