Aué diuendres 22 d'abriu, auram uajornada pro assolelhada, encara que damb intervaus de bromes nautes que damb eth pas des ores s'haràn un shinhau mès compactes. Pera tarde tanben se desvoloparà quauque bromalh d'evolucion. Encara que non ei probable, pas se pòt escartar quauqua tronada de cuerta durada pera tarde, sustot ena zòna nòrd dera Val. Vents deth sud damb quauqua bohada moderada en zònes nautes.
Temperatures laguens es normaus (4º/15º en Aubèrt; 2º/14º en Tredòs).
Eth dissabte 23, auram nivolositat abondiua encara que damb quauqui clars intercaladi. Pendent era maitiada e eth maitin, precipitacions entre fèbles e moderades, sustot ena zòna mès meridionau dera Val. Pera tarde se poderie produsir quauqua tronada. Era còta de nhèu se plaçarà enes 1700 m de maitiada en tot descéner cap as 1400 pendent era jornada. Vents deth sud damb beres seguides moderades.
Temperatures un shinhau mès fresques (5º/11º en Aubèrt; 3º/9º en Tredòs).
Eth dimenge 24, contunharam damb predominança des bromes sus es clars. Se repetiràn es precipitacions entre era maitiada e eth maitin, damb ua còta de nhèu en tot pujar cap as 1600 m. Pas se pòt escartar quauqua tempèsta de tarde.
Leugèr ascens des temperatures diürnes (5º/13º en Aubèrt; 3º/11º en Tredòs).
