Aué diuendres 29 d'abriu, auram un maitin pro assolelhat damb quauqui bromalhs nauti e primi. Pera tarde apareisheràn bromères escampilhades e se desvoloparàn bromalhs d'evolucion. Darrèr dia de preséncia de povàs en suspension. Possibilitat baisha de tronada pendent era tarde e prumères ores dera net, qu'en cas de produsir-se anarien acompanhades de hanga.
Temperatures normaus entara epòca (7º/19º en Arròs; 4º/18º en Salardú).
Eth dissabte 30, auram un shinhau mès de nivolositat, alternada damb quauques clarulhes. Encara qu'era probabilitat ei pro baisha pas s'escarte quauque plojat pendent eth maitin e bèra tronada pera tarde. Vents fèbles deth nòrd.
Temperatura similar ara jornada anteriora (8º/18º en Arròs; 7º/16º en Salardú).
Eth dimenge 1 de mai, contunharam damb unn shinhau de nivolositat, encara que preséncia de mès clars qu'era jornada anteriora. A darrères ores aumentarà era nivolositat que poderie deishar quauque plojat.
Temperatura sense massa cambis (8º/17º en Arròs; 6º/16º en Salardú).
