Aué diuendres 6 de mai, contunharam damb bromères, encara que un shinhau mès trincades qu'en jornades anteriores. Possibilitat de quauqua pluja fina, fèbla e isolada pendent era jornada e de bèt plojat pera net.
Temperatures per jos des abituaus, qu'amassa damb es vents fèbles deth nòrd provocaràn un ambient fresc (7º/14º en Benós; 5º/11º en Salardú).
Eth dissabte 7, encara auram nivolositat, mès damb mès clars qu'eth diuendres. Se produsirà quauque plojat irregular pendent era maitiada. Persistiràn encara es vents loishi deth nòrd.
Temperatures en tot apropar-se as abituaus entà principis de mai (8º/17º en Benós; 6º/15º en Salardú).
Eth dimenge 8, serà mès assolelhat encara que damb quauqui intervaus embromadi.
Es temperatures contunharàn eth sòn contengut ascens (9º/18º en Benós; 7º/17º en Salardú).
