Aué diuendres 13 de mai, serà ua jornada pro assolelhada damb quauques bòires escampilhades a prumères ores, sustot enes zònes mès baishes dera Val, e tamben presència de franges de bromes nautes. Pera tarde se desvoloparàn cúmuls que poderien deishar bèra tronada escampilhada e de cuerta durada.
Temperatures agradables, un shinhau peth dessús des abituaus entara epòca (10º/22º en Les; 8º/21º en Montcorbau).
Eth dissabte 14, auram predominança deth solei, encara que damb quauqui intervaus de bromes nautes. Formacion de bromalhs convectiuss pendent era tarde damb possibilitat de bategats.
Ascens de temperatures que seràn pleaments d'ostiu (12º/27º en Les; 10º/25º en Montcorbau).
Ara fin, eth dimenge 15, seguiram damb era madeisha tendéncia des jornades anteriors, tamb franges de bromes nautes e desvolopament de bromalhs d'evolucion pera tarde. Preséncia de povàs en suspension d'origen saharian. Contunharà era probabilitat mieja de borrats pendent era tarde qu'anarien acompanhadi de hanga. Se refortilharà eth vent deth sud.
Es temperatures contunharàn en tot èster pròpries deth mes de junhsèga (14º/28º en Les; 12º/26º en Montcorbau).
