Aué diuendres 20 de mai, auram ua jornada damb solei entelat per bromes nautes, desvolopament de cumuls que seràn mès presenti pendent era tarde. a condar de meddia, preséncia de povàs en suspension qu'entrebolirà er ambient. Vent d'Espanha damb quauqua bohada moderada pendent eth maitin, que rescauarà er ambient e provocarà umiditat relativa baisha.
Temperatures fòrça peth dessús des abituaus, mès pròpries deth mes de junhsèga (15º/29º en Arró; 14º/28º en Casau).
Eth dissabte 21, auram un shinhau mès de solei, encara que damb quauques bromes nautes e primes e desvolopament de bromalhs d'evolucion. Contunharà era preséncia de calimes. Encara qu'ei pòc probable pas se pòt escartar quauque borrat de cuerta durada pendent era tarde. Seguirà eth vent deth sud.
Temperatures encara mès nautes (15º/31º en Arró; 14º/30º en Casau).
Eth dimenge 22, seguiram damb era madeisha tendéncia qu'es jornades anteriores. Possibilitat de plojats de cara ara net. Vents fèbles deth sud.
Temperatures que tocaràn tet (18º/32º en Arró; 17º/31º en Casau).
