Aué diuendres 23 de seteme, auram un maitin damb solei velat per bromalhs nauti, era nivolositat se harà mès denssa e mos deisharà ua tarde mès embromada. Precipitacions a darrères ores dera tarde e enquiara maitiada, que per moments seràn moderades. Vents fèbles e de direccion variable.
Temperatures encara laguens es pròpries de fins de seteme (8º/23º en Arròs; 7º/21º en Vilamòs).
Eth dissabte 24, s'alternaràn clars damb brumes que seràn mès frequentes pendent era tarde. Possibilitat de plojats pendent era tarde e prumères ores dera net, puntuauments moderadi. Era còta de nhèu descenerà enquia plaçar-se ath torn des 2.200 m, causa que harie qu'eth dimenge mos lheuem damb quauques montanhes emblanquides.
Notabla descenuda de temperatures diürnes (8º/17º en Arròs; 7º/16º en Vilamòs).
Eth dimenge 25, s'intercalaràn clars damb bromalhs, qu'un autre viatge seràn mès destacables pendent era tarde. Encara que pas se demoren precipitacions coma era jornada anterior, òc que se poderie escapar quauqua gota a darrères ores.
Es temperatures encara seràn mès baishes (7º/15º en Arròs; 6º/14º en Vilamòs).
