Aué diuendres 30 de seteme, auram bromes damb clarulhes que se haràn mès frequentes a mesura qu'auance era jornada. Se pòt produsir bèra precipitacion fèbla, sustot pendent eth maitin e prumères ores dera tarde. Era còta de nhèu se plaçarà ath torn des 1700 m. Vents fèbles deth nord-oest.
Darrèr dia de temperatures de tardor auançada (5º/13º en Arró; 4º/11º en Garòs).
Eth dissabte 1 d'octobre, serà pro assolelhat damb quauqui intervaus de bromalhs baishi. Vents loishi deth nòrd.
Temperatures nocturnes encara heiredes, ath temps que es diürnes se plaçaràn laguens des abituaus entara epòca (5º/20º en Arró; 4º/18º en Garòs).
Eth dimenge 2, seguiram damb solei e quauqes bromes naute e fòrça primes.
Temperatures diürnes en ascens e quasi d'ostiu enes ores centraus dera jornada (11º/24º en Arró; 9º/22º en Garòs).
