Aué diuendres 7 d'octobre, auram un maitin pro assolelhada damb quauqui intervaus de bromalhs nauti e primi; passat eth meddia aumentarà era nivolositat tamb possibilitat de plojats pendent era tarde e net.
Coma enes darrères jornades: temperatures minimes fresques, agradables enes ores centraus dera jornada (8º/21º en Vielha; 7º/20º en Salardú).
Eth dissabte 8, era nivolositat serà abondiua encara que alternada damb quauques clarulhes. Possibilitat de precipitacions fèbles e irregulares.
Es temperatures diürnes mès fresques qu'era jornada anterior (10º/17º en Vielha; 8º/16º en Salardú).
Eth dimenge 9, predominaràn es clars, encara que pera tarde se formaràn bromalhs d'evolucion que poderien deishar quauqua tronada isolada. Vents fèbles deth sud.
Recuperacion des temperatures maximes (9º/20º en Vielha; 7º/19º en Salardú).
