Aué diuendres 31 de març auram un maitin assolelhat damb quauques brumes en Baish Aran, que pera tarde s'esteneràn ara rèsta dera Val. Possibilitat de que s'escape quauqua gota pendent era tarde e net.
Temperatures normaus entara epòca (8º/15º en Betren, 7º/14º en Montcorbau).
Eth dissabte 1 d'abriu pendent eth maitin s'alternaràn clars damb quauqui intervaus embromadi, pera tarde aumentarà era nivolositat. Pendent era tarde se pòt produsir quauqua precipitacion fèbla que serà un shinhau mès destacabla pendent era net. Còta de nhèu que descenerà des des 1.500 m cap as 800 pendent era net.
Temperatures en descens (2º/11º en Betren, 1º/10º en Montcorbau).
Eth dimenge 2, serà pro caperat. Precipitacions moderades pendent era jornada damb ua còta de nhèu sus es 1200 m en tot descéner cap as 900 a darrères ores. Acumulacions ath torn de 20 cm en còtes nautes.
Temperatures quasi iuernaus (2º/7º en Betren, 0º/6º en Montcorbau).
