Aué diuendres 21 d'abriu, serà ua jornada pro assolelhada damb franges de bromes nautes fòrça primes e quauqui bromalhs d'evolucion escampilhadi pendent era tarde. Vents deth sudoest damb quauqua bohada moderada pera tarde e net.
Temperatures quasi d'ostiu (7°/23° en Les; 5°/21° en Escunhau).
Eth dissabte 22, serà pro caperat encara que damb quauques clarulhes intercalades. Possibilitat de precipitacions fèbles pendent era maitiada e eth maitin, en tot èster mès destacables pera tarde. Vents fèbles deth sud.
Notable descens de temperatures (8°/14° en Les; 7°/13° en Escunhau).
Eth dimenge 23, serà pro assolelhat encara que a compdar de meddia aumentarà era nivolositat. Pera tarde se pòt produsir quauqua tronada. Vents fèbles der oèst.
Temperatures en recuperacion (7°/19° en Les; 6°/18° en Escunhau).
