Diuendres tamb precipitacions e temperatures en tot normaliza-se. Dimenjada mès tranquila.

Aué diuendres 16 de hereuèr , serà ua jornada fòrça caperada. Precipitacions fèbles puntuauments moderades e acompanhades de hanga pendent eth maitin, damb ua còta de nhèu que descenerà des des 1700 m cap as 1.400 m e un shinhau per dejós a darrères ores. Acumulacions d'uns 15 cm en Cap de Baqueira. Vents fèbles deth nòrd damb quauqua bohada moderada en zònes nautes.
Temperatures que demoraràn mès cuertes qu'en jornades anteriores en tot téndir a normalizar-se (6°/10° en Es Bòrdes; 4°/9°en Unha).

Eth dissabte 17, a prumères ores encara demoraràn quauques bromes que s'anarà lheuant ath long deth maitin, entà deishar-mos ua tarde damb cèus sereni. Pendent era maitiada encara auram quauques precipitacions.
Temperatures en leugèr ascens (3°/11° en Es Bòrdes; 1°/10°en Unha).

Eth dimenge 18, pendent eth maitin auram solei leugèraments embaranat per bromalhs nauti, era tarde serà mès caperada. A darrères ores se produsiràn plojats fèbles damb ua còta ath torn de 2000 m.
Es temperatures diürnes contunharàn en ascens (4°/14° en Es Bòrdes; 2°/12°en Unha).