Dimenjada de tornada ar iuèrn damb nheuades que deisharàn ath torn de 25 cm peth dessús des 2.200 m.

Aué diuendres 9 de hereuèr, auram un maitib pro caperat ath temps que pera tarde se dauriràn clars. Possibilitat que se produsisque quauqua precipitacion fèbla pendent eth maitin e a darrères ores, sustot ena zòna mès meridionau dera Val. Còta de nhèu ath torn des 1900 m. Vents fèbles deth Sud.
Temperatures encara peth dessús des abituaus (6°/12° en Gausac; 4°/9°en Bagergue).

Eth dissabte 10, serà ua jornada caperada damb quauqui clarulhes a darrères ores. Precipitacions fèbles pendent tota era jornada, puntuauments moderades principauments pendent eth maitin. Era còta de nhèu descenerà des des 1600 m de maitiada cap as 700 m a darrères ores. Acumulacions que poderien superar es 20 cm peth dessús des 2200 m. Vents fèbles deth nòrd damb quauqua bohada moderada.
Temperatures en descens pendent era jornada (2°/7° en Gausac; -1°/4°en Bagergue).

Eth dimenge 11, auram bromes e bromalhs baishi intercaladi damb quauqui clars. Seguiràn es plojats fèbles pendent era maitiada e eth maitin en tot ténder a desaparéisher pera tarde. Era còta de nhèu se plaçarà ath torn des 1000 m. Acumulacions de 5 a 10 cm en còtes nautes. Vents fèbles deth noroest.
Temperatures un shinhau per jos des normaus (0°/5° en Gausac; -2°/4°en Bagergue).