Aué diuendres 25 d'octobre, encetaram eth dia damb clars e quauqui bromalhs nauti; a mesura qu'auance eth maitin era nivolositat aumentarà entà deishar-mos ua jornada embromada. Se produsiràn precipitacions fèbles pendent era tarde, en tot refortilhar-se de cara ara net, quan per moments seràn intenses.
Temperatures un shinhau per jos des abituaus (9°/16° en Benós; 7°/14° en Vilamòs).
Eth dissabte 26, serà pro caperat damb precipitacions discontinues e moderades encara que puntuauments intenses. Era còta de nhèu descenerà des des 2.300 m cap as 1.800 m a darrères ores.
Temperatures entre fresques e heiredes (6°/10° en Benós; 5°/9° en Vilamòs).
Eth dimenge 27, auram solei embaranat per bromalhs nauti e dilhèu quauqua bruma escampilhada pendent era tarde. Pas podem escartar quauque fèble plojat a darrères ores dera tarde e pendent era net damb ua còta de nhèu ath torn des 2.000 m.
Es temperatures contunharàn en tot èster baishes, encara que damb un leugèr ascens des diürnes (5°/12° en Benós; 4°/10° en Vilamòs).
