18/10/24

Diuendres plujós e damb nhèu enes montanhes. Dissabte damb inestabilitat principauments peth maitin. Dimenge tranquil damb temperatures en ascens.

Aué diuendres 18 d'octobre, mos lheuaram damb es cims nheuadi e serà ua jornada caperada. Precipitacions moderades pendent eth maitin, un shinhau mès fèbles pera tarde e en tot téndir a desaparéisher pera net. Còta de nhèu ath torn des 1.900 m. Vents fèbles deth nòrd-oest.

Temperatures heiredes entara epòca (5°/11° en Arró; 4°/10° en Casau).


Eth dissabte 19, predominaràn es bromes, encara que alternades damb quauqua clarulha. Precipitacions fèbles pendent eth maitin e testimoniaus pera tarde. Còta de nhèu en tot pujar cap as 2.400 m.

Temperatures diürnes en leugèr ascens més encara fresques  (6°/14° en Arró; 5°/13° en Casau).


Eth dimenge 20, serà ua jornada damb solei leugèraments embaranat per bromalhs nauti.

Temperatures en tot apropar-se as normaus entà miei octobre (8°/19° en Arró; 7°/18° en Casau).