En tot díder adiu ath 2017 tamb solei. Possibles precipitacions entàs campanades.

Aué dissabte 30 de de deseme, serà ua jornada fòrça assolelhada tamb quauques brumes escampilhades a prumères ores e bères bromes nautes e primes pendent tot eth dia. Vents fèbles de direccion sud-oest.
Temperatures doces entara epòca der an (2°/15° en hons de Val; -3°/3° en còta 2.000).

Eth dimenge 31, serà aute dia assolelhat. A darrères ores se produsirà un increment dera nivolositat, tamb precipitacions moderades, que puntuauments poderien èster intenses e que començarien de net e acabarien a prumères ores dera maitiada. Còta de nhèu enes 1600 m en tot descéner rapidaments cap as 900 m. Acumulacions de uns 10 cm en Baqueira 2500. Vents moderadi de direccion sud-oest pendent eth dia en tot cambiar ath nòrd-oest, tamb quauques bohades fòrtes, pera net.
Temperatures nautes, encara qu'en descenuda a darrères ores (2°/17° en hons de Val; 1°/6° en còta 2.000).

Eth deluns dia d'An Nau, serà ua jornada tamb alternancia de solei e quauqui intervaus de bromes baishes e escampilhades. A darrères ores aumentarà era nivolositat e se produsiràn quauques precipitacions moderades damb còta de nhèu ath torn des 1700 m.
Vents fòrti de deth nòrd-oest sustot de maitiada e a darrères ores.
Temperatures diürnes en descenuda (2°/11° en hons de Val; -6°/0° en còta 2.000).